Հայաստանի Հանրապետության Գիտությունների Ազգային Ակադեմիայի Երկրաբանական Գիտությունների Ինստիտուտի Հ.Կարապետյանի անվան Երկրաբանական թանգարանը Չինաստանի Ժողովրդական Հանրապետության Ֆուծիանի թանգարանի և Հայ-չինական գործընկերության կենտրոնի հետ համատեղ օգոստոսի 8-9-ըկազմակերպում է միջազգային գիտաժողով-ցուցահանդես՝ «ՄԵՏԱՔՍԻ ԵՎ ԹԵՅԻ ՃԱՆԱՊԱՐՀՆԵՐԻ ԴԵՐՆ ՈՒ ԱԶԴԵՑՈՒԹՅՈՒՆԸ ԺՈՂՈՎՈՒՐԴՆԵՐԻ ԵՎ ԵՐԿՐՆԵՐԻ ԳԻՏՈՒԹՅԱՆ ԵՎ ՄՇԱԿՈՒՅԹԻ ԶԱՐԳԱՑՄԱՆ ՎՐԱ» խորագրի ներքո՝ նվիրված «Գոտի և Ճանապարհ» չինական նախաձեռնության 10-ամյակին:
ՀՀ ԳԱԱ Երկրաբանական Գիտությունների ինստիտուտը (ԵԳԻ) և Հրաբխագիտության ու Երկրի ընդերքի քիմիայի միջազգային ասոցիացիան (IAVCEI) հայտարարում են.
ԳԻՏԱԺՈՂՈՎ ԵՎ ԱՄՓՈՓԱԳՐԵՐԻ ԸՆԴՈՒՆՈՒՄ.
«Կոլլիզիոն գոտու հրաբխականությունը և առնչվող վտանգները» միջազգային կոնֆերանս
Երևան, ՀՀ, Սեպտեմբերի 03-08, 2023
ՀԱՍՏԱՏՎԱԾ ՀԻՄՆԱԿԱՆ ԴԱՍԱԽՈՍՈՒԹՅՈՒՆՆԵՐ՝
Պրոֆ. Ջուլիան Փիրս, Կոլլիզիոն գոտու մագմատիզմի երկրաքիմիա
Պրոֆ. Դոնալդ Դինգուել, Փորձարարական մուտք դեպի հրաբխային ժայթքումներ
Պրոֆ. Չարլզ Քոնոր, Բաշխված հրաբխականություն և բաշխված հրաբխային վտագները. համաշխարհային օրինակներ
Պրոֆ․ Կարոլի Նեմեթ, Երկրի ամենամեծ հին ներմայրցամաքային մոնոգենետիկ հրաբխային մարզի հրաբխային կառուցվացքը / Արևմտյան Արաբական թերակղզի
Պրոֆ․ Ժենգֆու Գուո, Կայնոզոյան մայրցամաքային կոլլիզիոն գոտու հրաբխականությունը Տիբեթում
Պրոֆ․ Դորք Սահագյան, Էքսպլոզիվ հրաբխային ժայթքումների խթանիչները․
Ե․գ․դ Խաչատուր Մելիքսեթյան, Կոլիզիոն հրաբխականությունը Հայաստանում․ երկրադինամիկ առանձնահատկություններ և երկրաքիմիա։
Սիրով հրավիրում ենք մասնակցելու «ԵՐԿՐԱԲԱՆՈՒԹՅՈՒՆԸ ԶԱՐԳԱՑՈՂ ԱՇԽԱՐՀՈՒՄ. ՀԱՅԱՍՏԱՆԻ ԵՐԿՐԱԲԱՆՈՒԹՅԱՆ ԱՆՑՅԱԼԸ, ՆԵՐԿԱՆ ԵՎ ԱՊԱԳԱՆ» խորագրով գիտապրակտիկ աշխատաժողովին՝ նվիրված Հայաստանի Հանրապետության Գիտությունների Ազգային Ակադեմիայի Երկրաբանական Գիտությունների Ինստիտուտի Հովհաննես Կարապետյանի անվան եկրաբանական թանգարանի և Հայաստանի Հանրապետության Տարածքային կառավարման և ենթակառուցվածքների նախարարության Հանրապետական երկրաբանական ֆոնդի ստեղծման 85-ամյակներին:
Անցկացման վայրը՝ ՀՀ Գիտությունների Ազգային Աակադեմիա:
Աշխատաժողովի նպատակը՝ գիտակրթամշակութային և կիրառական տեղեկատվական միասնական համակարգի ստեղծման շարունակական գործընթացի հզորացումն ու բարելավումն է, որը միտված է մի գաղափարի շուրջ համախմբել ոլորտի ներկայացուցիչներին:
Աշխատաժողովի մասին առավել մանրամասն տեղեկություններին կարող եք ծանոթանալ կից ներկայացված հղումով
Ս/թ դեկտեմբերի 7–ին կայացավ ՀՀ ԳԱԱ Երկրաբանական գիտությունների ինստիտուտի տարեկան հաշվետու ժողովը՝ ՀՀ ԳԱԱ Քիմիայի և Երկրի մասին գիտությունների բաժանմունքի ակադեմիկոս-քարտուղար Լ. Թավադյանի, բաժանմունքի գիտական քարտուղար Լ. Գասպարյանի և ԵԳԻ գիտխորհրդի անդամների մասնակցությամբ: Ապահովված էր նաև ժողովին հեռավար հետևելու հնարավորությունը համացանցում:
Զեկուցումներով հանդես եկան ԵԳԻ տնօրեն, երկրաբանական գիտությունների դոկտոր Խ. Մելիքսեթյանը, գիտական գծով փոխտնօրեն, երկրաբանական գիտությունների թեկնածու Լ. Սահակյանը, Գեոդինամիկայի և երկրաբանական վտանգների լաբորատորիայի վարիչ, երկրաբանական գիտությունների դոկտոր Ա. Ավագյանը:
Ամփոփիչ ելույթում Քիմիայի և Երկրի մասին գիտությունների բաժանմունքի ակադեմիկոս-քարտուղար, քիմիական գիտությունների դոկտոր Լ.Ա. Թավադյանը ելույթները բնութագրեց տպավորիչ և բավարար գնահատեց 2020թ. ԵԳԻ կատարած աշխատանքները: Քվեարկության արդյունքում և գիտխորհրդի միաձայն որոշմամբ ԵԳԻ 2020թ. տարեկան հաշվետվությունը գնահատվեց բավարար:
ՄԻՋԱԶԳԱՅԻՆ ԳԻՏԱԺՈՂՈՎ ԲՆԱԳԻՏԱԿԱՆ ԹԱՆԳԱՐԱՆՆԵՐԸ ՈՐՊԵՍ ԳԵՈՏՈՒՐԻԶՄԻ ԶԱՐԳԱՑՄԱՆ ԳՈՐԾՈՆ
ՆՎԻՐՎԱԾ ՀՈՎՀԱՆՆԵՍ ՏԻԳՐԱՆԻ ԿԱՐԱՊԵՏՅԱՆԻ ԱՆՎԱՆ ԵՐԿՐԱԲԱՆԱԿԱՆ ԹԱՆԳԱՐԱՆԻ 80-ԱՄՅԱԿԻՆ, 1939-2019
15-18 ՀՈԿՏԵՄԲԵՐ, 2019
Գիտական կազմկոմիտե ե.գ.թ. Լիլիթ Սահակյան ե.գ.դ. Խաչատուր Մելիքսեթյան ե.գ.դ. Արա Ավագյան
ՀՀ ԳԱԱ երկրաբանության ինստիտուտը Հելմհոլցի բնապահպանական հետազոտությունների կենտրոնի և Դարմշտադտի տեխնիկական համալսարանի հետ համատեղ Գերմանիայի կրթության և հետազոտությունների նախարարության աջակցությամբ կազմակերպում է «Ջրային ռեսուրսների կայուն կառավարում ջրատար հորիզոնների խիստ գերօգտագործմամբ առանձնացող տարածաշրջաններում՝ հաշվի առնելով կլիմայի փոփոխության ազդեցությունները» գիտաժողովը։ Հրավիրում ենք մասնակցել գիտաժողովին բանավոր զեկույցով, հետևյալ թեմատիկ ուղղություններից մեկով․ • ջրային ռեսուրսների կառավարմում, • ջրօգտագործում, • ջրային ռեսուրսների վրա կլիմայի փոփոխության ազդեցություն, • հիդրոլոգիական և հիդրոերկրաբանական մոդելավորում, • ջրի որակի գնահատում, • ջրային տեղեկատվական համակագեր։
Զեկույցների թեզիսները պետք է ներկայացվեն մինչև 2019թ․ հունիսի 10-ը, alex.arakelyan@outlook.com հասցեով։ Թեզիսները պետք է լինեն մինչև 2000 նշան ծավալով, անգլերեն և հայերն լեզուներով։ Տառաչափը՝ 12, տողերի միջև հեռավորությունը՝ 1, անգլերեն տեքստի տառատեսակը՝ Times New Roman, հայերեն տեքստինը՝ GHEA Grapalat: Անհրաժեշտ է նշել հեղինակ(ներ)ի հաստատությունը և էլ․ փոստի հասցեն։
2018թ.-ի դեկտեմբերի 03-07-ը ՀՀ ԳԱԱ Երկրաբանական գիտությունների ինստիտուտը կազմակերպում է «Սպիտակի երկրաշարժ. 30 տարի անց: Փորձ և հեռանկարներ» միջազգային գիտաժողովը՝ նվիրված 1988թ.-ի աղետալի երկրաշարժին: Գիտաժողովը նպատակ ունի հարստացնելու գիտելիքները բնական աղետների հետ կապված երևույթները հասկանալու նպատակով, կատարելագործելու կանխատեսման մոդելները, միջազգային ընդունված ստանդարտներով գնահատելու բնական վտանգների և մասնավորապես, երկրաշարժերի վտանգը և ռիսկը, ինչպես նաև ավելի սերտ և արդյունավետ դարձնելու համագործակցությունն այս ոլորտում:
Գիտաժողովը ներառում է նաև դաշտային սեմինար երիտասարդ մասնագետների համար: Ընդունված սեղմագրերը և հոդվածների ժողովածուն տպագրվելու են:
2017 թ. սեպտեմբերի 12-18-ը ՀՀ ԳԱԱ Երկրաբանական գիտությունների ինստիտուտը կազմակերպում է Երկրաբանական գիտությունների պատմության միջազգային հանձնաժողովի (INHIGEO) 42-րդ գիտաժողովը:
Երկրաբանական գիտությունների պատմության միջազգային հանձնաժողովի (INHIGEO) հիմնադրման մասին որոշումը կայացվել է 1967թ.-ին Հայաստանում տեղի ունեցած Երկրաբանության պատմության միջազգային հանձնաժողովի ժամանակ: Այս տարին հոբելյանական է համարվում INHIGEO-ի համար. լրանում է գիտաժողովի 50-ամյակը: Գիտաժողովը տեղի կունենա ՀՀ Գիտությունների ազգային ակադեմիայում, ինչպես 1967թ.-ին: Լրացուցիչ տեղեկությունների համար կարող եք նամակ հղել հետևյալ էլ. փոստի հասցեին՝ inhigeo2017@geology.am, կամ այցելել գիտաժողովի պաշտոնական կայքը՝ http://inhigeo2017.geology.am/: Գիտաժողովի ծրագիրը, թեզիսների ժողովածուն և Էքսկուրսիաների ծրագիրը կարող եք ներբեռնել այստեղ:
Գիտաժողով
«Ջրային ռեսուրսների կայուն կառավարում և Ասիական երկրներում լեռնային լճերի էկոհամակարգերի պահպանում»
25-29 հունիսի 2014
Երևան
2014 թ.-ի հունիսի 25-ից 29-ը, ՀՀ ԳԱԱ Երկրաբանական գիտությունների ինստիտուտը անցկացրել է միջազգային գիտաժողով՝ «Ջրային ռեսուրսների կայուն կառավարում և Ասիական երկրներում լեռնային լճերի էկոհամակարգերի պահպանում» թեմայով: Գիտաժողովը կազմակերպվել է Ասիական երկրների գիտությունների ակադեմիաների ասոցիացիայի և ՀՀ ԳԱԱ-ի համագործակցության շրջանակներում: Գիտաժողովի հոդվածների ժողովածուն կարող եք ներբեռնել այստեղ:
Երիտասարդական գիտաժողով
«Արդիական խնդիրները Երկրի մասին գիտություններում»
22-24 հոկտեմբերի 2013
Երևան ՀՀ ԳԱԱ Երկրաբանական գիտությունների ինստիտուտը սիրով հրավիրում է երիտասարդ երկրաբաններին, ասպիրանտներին և ուսանողներին մասնակցելու «Արդիական խնդիրները Երկրի մասին գիտություններում» խորագրով երիտասարդական գիտաժողովին։
Գիտաժողովը տեղի կունենա 2013թ.–ի հոկտեմբերի 22-24–ին ՀՀ ԳԱԱ ԵԳԻ–ում։
Գիտաժողովի մասնակիցներին անհրաժեշտ է մինչև ս.թ. օգոստոսի 31-ը թեզիսներն ուղարկել conference@geology.am էլ. հասցեով։
Լավագույն աշխատանքները կպարգևատրվեն։
Հասցեն՝ ք. Երևան, Մ. Բաղրամյան պող., 24ա։
Հաղորդագրությանն ամբողջությամբ կարելի է ծանոթանալ այստեղ։
Հարգելի գործընկերներ,