Երկրաբանական թանգարան

Հնէաբանության բաժինՀրաբխականության բաժին
Հանքաբանության բաժինՕգտակար հանածոների բաժին
Ապարաբանության բաժինՀանքային ջրերի բաժին

Պրոֆեսոր Հ. Կարապետյանի անվան
Երկրաբանական թանգարան

–  Հնէաբանության                              –  Հրաբխականության

  – Հանքաբանության                             –  Օգտակար հանածոների

  – Ապարաբանության                            – Հանքային ջրերի

2012 թ. թանգարանում բացվեց ամերիկահայ կոլեկցիոներ Ա.Դիլդիլյանի անվան միներալների հատուկ սրահ, որտեղ ցուցադրված են ինչպես նրա կողմից թանգարանին նվրիրված տարբեր երկրների հանքավայրերի հազվագյուտ 1400 միներալներից 750-ը, այնպես էլ Հայաստանի երկրաբանների կողմից նվիրված միներալները:
   Վերջին տարիներին թանգարանում իրականացվել են մի շարք զգալի նորամուծություններ: Ստեղծվել է «Բնագետ» էկոակումբը, որի տարբեր տարիքային խմբերում երեխաները ծանոթանում են Հայաստանի երկրաբանությանն ու առկա էկոլոգիական հիմնախնդիրներին: Թանգարանը կազմակերպում է բաց դասեր, ուսումնական արշավներ, էքսկուրսիաներ՝ Կրթության և գիտության նախարարության կողմից առաջադրվող մրցույթների շրջանակներում:
   2016 թ. թանգարանը մաս կազմեց izi.TRAVEL հոլանդա-շվեյցարական կազմակերպությանը, որը հնարավորություն է ընձեռում նորովի բացահայտել թանգարանները և քաղաքները, խթանել մշակութային և տուրիստական կազմակերպությունների աշխատանքը:    2016 թվականից սկսած՝ Երկրաբանական թանգարանն հանդիսանում է ‹‹Երևան Քարտ›› զբոսաշրջային ծրագրի անդամ: ‹‹Երևան քարտը›› Երևան քաղաքի պաշտոնական զբոսաշրջային քարտն է, որը յուրօրինակ միջոց է քաղաքում առաջարկվող գրեթե բոլոր հաստատություններից և ծառայություններից արտոնյալ պայմաններով օգտվելու համար: Այն հնարավորություն է ընձեռում անվճար մուտք գործել թանգարաններ, ժամանցի վայրեր, մասնակցել էքսկուրսիաների, ինչպես նաև անվճար օգտվել քաղաքային տրանսպորտից: ‹‹Երևան քարտի›› և Երկրաբանական թանգարանի համագործակցության շրջանակներում քարտապաններին տրվում է թանգարանի անվճար մուտքի հնարավորություն:
  Առավել մանրամասն տեղեկություններին կարող եք ծանոթանալ՝ այցելելով Երևան Քարտի պաշտոնական կայքէջ:
  Երկրաբանական Թանգարանի զարգացման գործում մեծ ավանդ ունեն թանգարանի վարիչներ՝ Ս. Լուսյանը (1937-1938թթ.), Ա.Ն. Հակոբյանը (1938թ.), Ս.Տ. Տիգրանյանը (1938-1949թթ.), Ն.Ա. Սահակյան-Գոզալյանը (1949-1954թթ.), Ի.Գ. Գասպարյանը (1955-1956թթ.), Լ.Ա. Ավագյանը (1956-1976թթ.), Գ.Բ. Մեժլումյանը (1977-1996թթ.), Ա.Գ. Գրիգորյանը (1996-2011թթ.): 2011 թվականից երկրաբանական թանգարանը ղեկավարում է Գայանե Գրիգորյանը: Թանգարանի ֆոնդը կազմում է ավելի քան 11000 նմուշ, որոնցից ցուցադրվում է ավելի քան 2700-ը:

    Թանգարանի վիրտուալ տարբերակը կարելի է դիտել այստեղ։ 

    Թանգարանը բաց է՝ երկուշաբթի, երեքշաբթի, չորեքշաբթի, հինգշաբթի, ուրբաթ

    Հանգստյան օրերը՝ Շաբաթ և Կիրակի

    Ցուցադրությունը բաց է՝ երկուշաբթի – ուրբաթ’ 10:30 – 17:00

    Մուտքի տոմսի արժեքը՝ 700 դրամ

    Դպրոցականների, ուսանողների համար՝  300 դրամ

    Թոշակառուների համար՝   700 դրամ

 

     Երեխաների / մինչև 5 տարեկան/(բացառությամբ խմբային այցերի), ուսուցիչների / մեկ 

     խումբ ուղեկցող մեկ ուսուցչի մուտքը /, թանգարանային աշխատողների, 

     ազատամարտիկների, պատերազմի վետերանների, զինծառայողների,

     հաշմանդամների, լրագրողների, պատանի բնասերների ակումբի

     անդամների, ծնողազուրկ,մանկատան երեխաների համար` համապատասխան

     փաստաթղթերի առկայության դեպքում ( մուտքը անվճար):

    Օտարերկրացինների համար մուտքի տոմսը 1000 դրամ է 

    Կրթական ծրագրերի արժեքը՝ 1000 դրամ

    Էքսկուրսիայի բացատրության տոմսի արժեքը՝
 
         հայերեն՝ 1500 դրամ, օտար լեզվով՝ 2500 դրամ

    Աուդիո գիդ ծառայություն՝  անվճար

    Հեռախոսահամար՝ +37410 582936։

   Էլ.փոստ՝ geotang@geology.am